FESTA DA ISTORIA 2016

Esta fin de semana, Ribadavia volve ao medievo, cun programa cheo de actividades para todos os públicos. Nesta edición cóntase cunha morea de novidades que van da man de achegar á festa á modernidade dos tempos; xa fai unhas semanas, a Fundación Festa da Istoria, presentaba unha nova imaxe corporativa. Estes días, ademais, viu a luz unha aplicación móbil onde se poden coñecer todos os detalles da festa. E xa por último, aínda que non menos importante, a apertura das wifis de establecementos colaboradores para facilitar a comunicación entre os asistentes; xa que nesa xornada do sábado xeralmente a cobertura pérdese. A wifi chámase ISTORIA 2016 e os puntos cos que contan son os seguintes:
-Café-Bar Morto-Rúa Progreso
-Bar Meu-Rúa Progreso
-Cafetería Dessert-Alameda
-Ribeiro e Xamón-Praza Maior
-Vinoteca-Praza Maior
-Restaurante Praza-Praza Maior
-Café-Pub Aljama-Rúa Trasmesones
-Cafetería Rectoral-Praza Maior
-Sede Coordinadora Festa da Istoria-Rúa Escobetes
-Concello Banco Alhóndiga-Praza Maior
-Autoescola Yoli-Praza San Martín
-Casa Lhou-Rúa Yañez

Non podemos esquecer ademais que na víspera da festa, o xoves, os colleiteiros/as do Ribeiro xunto con Entretempos e Brétemas, volverán facer unha cata no patio do xulgado, como xa ven sendo habitual neste verán ribadaviense. E a Asociación “Por un Ribeiro poético” ten previstas unhas conferencias e presentacións nas XI Xornadas José Carlos Gómez Alfaro o xoves ás 16:00horas no clube artístico.