ALCALDÍA

Querido/a veciño/a.

É para min unha honra poder dirixirme a ti coma alcalde de Ribadavia. Sempre defendín que a mayor aspiración que unha persoa pode ter en política é chegar a ser alcalde do seu concello, porque dende a alcaldía podes actuar de xeito directo para mellorar as condicións de vida da túa veciñanza. Ese foi e será sempre o meu compromiso e do meu equipo de goberno contigo, un compromiso de traballo incansable para conseguir que, paso a paso, Ribadavia vaia convertíndose nun lugar cada vez mellor para vivir. Agardo que ao remate deste mandato poidamos botar a vista atrás e concluir que Ribadavia ten mellorado significativamente e que se están sentando as bases para gañar un futuro vizoso no que o potencial latente que todos sabemos que posúe Ribadavia sexa, por fin, unha realidade.