Concello de Ribadavia Concello de Ribadavia
Vistas as bases do programa de subvencións de reactivación do tecido empresarial e comercial de Ribadavia aprobado pola Xunta de Goberno Local de data 29.06.2020 e dado a existencia dalgún erro que pode dar lugar a contradicción e confusión a hora de presentar as solicitudes, a Xunta de Goberno Local de data 06.07.2020, acorda correxilo, quedando do seguinte xeito:
Na base 4.2, onde dí “Concedérase unha contía fixa máxima de 450 € a aquelas persoas físicas ou xurídicas sen traballadores ao seu cargo” debe dicir “Concedérase unha contía fixa máxima de 450 € a aquelas persoas físicas ou xurídicas con ou sen traballadores ao seu cargo”
Na base 8.1.c) onde dí: a) En aqueles casos nos que non se viron afectados polo peche de establecementos disposto no RD 465/2020 do 17 de marzo que modifica o artigo 10 do RD 463/2020 do 14 de marzo, e sufrisen unha redución da súa facturación no mes anterior á solicitude desta subvención de acordo cos criterios establecidos na base 4ª, en relación coa media efectuada no semestre natural anterior á declaración do estado de alarma, deberán acreditar esta redución mediante a achega da información contable que o xustifique desde os 6 meses previos á declaración do estado de alarma (14 de marzo de 2020) ata a data de presentación da solicitude de subvención”, debe dicir: “a) En aqueles casos nos que non se viron afectados polo peche de establecementos disposto no RD 465/2020 do 17 de marzo que modifica o artigo 10 do RD 463/2020 do 14 de marzo, e sufrisen unha redución da súa facturación durante o periodo que estivera declarando o estado de alarma, de acordo cos criterios establecidos na base 4ª, en relación coa media efectuada no semestre natural anterior á declaración do estado de alarma, deberán acreditar esta redución mediante a achega da información contable que o xustifique desde os 6 meses previos á declaración do estado de alarma (14 de marzo de 2020) ata a data de presentación da solicitude de subvención.”
Que se publique o presente acordo na páxina web do Concello e no taboleiro de anuncios do Concello.”
Ribadavia, 6 de xullo do 2020.-
O ALCALDE,
Asdo.: Cesar Manuel Fernández Gil.-
