Concello de Ribadavia Concello de Ribadavia
Francisco Fernández Castro, secretario do concello de Ribadavia CERTIFICO
Que a xunta de goberno local do concello de Ribadavia na súa sesión de data 29 de xullo de 2019 acadou o seguinte acordo:
Concedida subvención ao concello de Ribadavia pola Dirección Xeral de Xuventude , Participación e Voluntariado, ao abeiro da Orde do 26 de abril de 2019 pola que se establecen as bases para a concesión de subvencións destinadas ao programa de mobilidade transnacional xuvenil Galeuropa dirixido ás persoas inscritas no Sistema nacional de garantía xuvenil con cargo ao Programa operativo de emprego xuvenil, e se procede a súa convocatoria para o ano 2019, para a realización por dúas persoas de prácticas formativas non laborais por dous meses de mobilidade transnacional por Resolución do 27 de xuño de 2019 ditada no procedemento BS324C de subvencións para proxectos de mobilidade presentados por concellos, mancomunidades, agrupacións ou fusións de concellos no Programa de mobiliidade transnacional xuvenil Galeuropa.
Pola presente aprobanse as seguintes bases para a selección de dúas persoas para a programa de mobilidade transnacional xuvenil Galeuropa como mentores.
BASES PARA SELECCIÓN DE DUAS PRAZAS DE MENTORES PARA O PROGRAMA DE MOBILIDADE TRANSNACIONAL XUVENIL GALEUROPA COMO MENTORES
I. NATUREZA E CARACTERÍSTICAS DAS PRAZAS A CUBRIR E SISTEMA SELECTIVO ELIXIDO.
1. Convócanse procedemento para cubrir duas prazas pertencentes á categoría de mentores do programa de mobilidade transnacional xuvenil Galeuropa , mediante a figura de contrato laboral temporal a través do sistema de acceso de concurso.
2. A adxudicación da praza ao aspirante aprobado efectuarase de acordo coa cualificación final obtida por este, de conformidade co disposto na Base 6ª.
3. Ao presente proceso selectivo seralle de aplicación o Real Decreto lexislativo 5/2015 que aproba o texto refundido da lei do Estatuto Básico do Empregado Público, a Lei 30/84 do 2 de agosto de Medidas para a Reforma da Función Pública no que non fose derrogada pola anterior, a Lei 2/2015 de emprego público de Galicia, a Lei 7/85 do 2 de abril de Réxime Local, RDL 781/86 do 18 de abril polo que se aproba o Texto Refundido de Disposicións Legais vixentes en materia de Réxime Local, Real Decreto 896/91 do 7 de xuño, as presentes Bases Reguladoras xunto cos anexos que a acompañan, e supletoriamente o Real Decreto 364/95, de 10 de marzo, así como a Sentenza do Tribunal Constitucional 67/1989 e Orde do 26 de abril de 2019 pola que se establecen as bases para a concesión de subvencións destinadas ao programa de mobilidade transnacional xuvenil Galeuropa dirixido ás persoas inscritas no Sistema nacional de garantía xuvenil con cargo ao Programa operativo de emprego xuvenil, e se procede a súa convocatoria para o ano 2019, para a realización por dúas persoas de prácticas formativas non laborais por dous meses de mobilidade transnacional
4. O sistema elexido para a selección do persoal será o concurso.
5.- O anuncio da convocatoria publicarase na páxina web do concello e no taboleiro de anuncios.
6 .- As retribución serán as que deriven da Orde de subvención e o período de contratación de 3 meses a media xornada.
II. CONDICIÓNS E REQUISITOS QUE DEBEN REUNIR OU CUMPRIR OS/ÁS ASPIRANTES.
1. Para ser admitido á realización das presentes probas selectivas para o acceso ás prazas convocadas, os/as aspirantes deben reunir os seguintes requisitos:
Estar en posesión dunha titulación axeitada e/ou experiencia mínima dun ano no ámbito da mocidade ou do emprego.
2. Os requisitos establecidos nestas Bases haberán de ser acreditados no momento de presentación de instancias e mantelos ata o momento da toma de posesión como persoal laboral temporal.
III. TRIBUNAL.
1. A composición do Tribunal será predominantemente técnica e os vocais deberán posuír titulación ou especialización iguais ou superiores aos esixidos para o acceso a praza convocada.
2. O Tribunal cualificador do proceso selectivo estará integrado polos seguintes membros:
PRESIDENTE: D Manuel Araújo Montero
SECRETARIO: O Secretario do Concello ou funcionario no que delegue.
VOCAIS: Dª Inés Vázquez Veiga, Dª Mercedes García García, Dª Sonia Couso Fernández. ou traballadores que as substitúan.
O Tribunal, sempre que o considere necesario e con carácter excepcional, podera designar asesores con coñecementos específicos relativos as prazas convocadas, sendo as súas funcions de asesoramento o tribunal de valoración e sen dereito a voto.
3.Os membros do Tribunal deberán absterse de concorrer algunha das circunstancias previstas no artigo 23 da Lei 39/2015 de procedemento administrativo común das Administracións públicas. Os aspirantes poderán recusar a calquera membro do Tribunal nos termos do art. 24 da citada Lei 39/2015 cando concorran as circunstancias previstas no parágrafo anterior.
4. Para a válida constitución do Tribunal, para os efectos da celebración de sesións, deliberacións e toma de acordos, requirirase a presenza en todo caso, do Presidente e do secretario do Tribunal, ou no seu caso, dos que lle substitúan, e da metade polo menos dos seus membros designados como vogais, sen que en ningún caso poidan ser inferior a tres. Este quórum deberá manterse durante toda a sesión.
5. O Tribunal terá capacidade para resolver cantas dúbidas e incidencias formúlense, adoptando as medidas necesarias para o normal desenvolvemento do proceso selectivo.
6. Para a cualificación dos aspirantes o Tribunal axustarase ao disposto na base VI. A) desta convocatoria.
O Presidente do Tribunal adoptará as medidas necesarias para garantir os principios de igualdade, mérito e capacidade, así como o de publicidade.
7. Concluído o proceso selectivo, o Tribunal fará público no Taboleiro de Anuncios, a cualificación final dos aspirantes, con indicación da puntuación obtida na fase de concurso e entrevista curricular, declarando aprobado ao aspirante que obtivera a máxima puntuación.
8. O Tribunal non poderá aprobar nin declarar que superaron as probas selectivas un número de aspirantes superior ao de prazas/postos convocados. As propostas de aprobados que contraveñan este límite serán nulas de pleno dereito.
9. Aos efectos de comunicacións e incidencias o Tribunal terá a súa sede na do Concello de Ribadavia.
10. Os membros do Tribunal son persoalmente responsables do estrito cumprimento das bases da convocatoria e da suxeición aos prazos establecidos para a realización ou valoración das probas e para a publicación dos resultados.
IV. PROCEDEMENTO DE SELECCIÓN
1. As probas selectivas constarán dunha fase de concurso e unha entrevista curricular.
2. Fase de concurso. O máximo de puntos que se pode obter na fase de concurso non poderá ser superior a 9 puntos. O tribunal valorará os méritos alegados e xustificados documentalmente polos aspirantes conforme ao seguinte baremo:
A.1 Méritos Profesionais.
a)Por cada mes completo de servizos prestados en calquera das Administracións Públicas en praza ou posto relacionado coa mocidade e co emprego : 0,10 puntos ata un máximo total de 2 puntos.
b)Por cada mes completo de servizos prestados en empresas privadas ou como autónomo na praza ou posto relacionado coa mocidade ou co emprego: 0,05 puntos ata un máximo total de 1 punto.
A estes efectos non se computarán servizos que fosen prestados simultaneamente con outros igualmente alegados e reduciranse proporcionalmente os prestados a tempo parcial.
A.2. Cursos, seminarios, congresos, xornadas. Participar en actividades formativas, sempre que se atopen relacionadas coas funcións a desenvolver e organizados, ben por unha Administración Pública ou unha Universidade.
– Por cursos de 10 a 40 horas de duración: 0,10 puntos, ata un máximo de 0,40 puntos.
– Por cursos de 41 a 100 horas de duración: 0,20 puntos, ata un máximo de 0,80 puntos..
– Por cursos de máis de 100 horas de duración: 0,30 puntos, ata un maximo de 1,20 puntos.
Os cursos nos que non se exprese duración ningunha serán valorados coa puntuación de 0,05 puntos.
Na acreditación de seminarios permanentes que duren un curso lectivo deberán especificarse o número de horas, no caso contrario valoraranse coa puntuación mínima.
No suposto de que a duración do curso se exprese en días, establécese unha equivalencia de 5 horas por cada día de curso.
A.3. Outros Méritos.
– Polo recoñecemento acreditado do idiona galego (só se valorará o grao superior alegado):
– Curso de iniciación ó galego: 0,20 puntos
– Curso de perfeccionamento: 0,30 puntos
– Curso de especialización: 0,60 puntos
Só se valorarán aqueles cursos ou titulacións homologadas pola Secretaria Xeral de Política Lingüística e só o de maior puntuación.
B) Xustificación dos méritos alegados.
A documentación que haberá de presentarse para xustificar os méritos que se alegan para a súa valoración conforme ao baremo indicado será a seguinte en cada caso:
B.1 Experiencia profesional.
– A experiencia profesional en praza ou posto relacionado coa mocidade e co emprego fóra do ámbito da Administración Pública xustificarase:
No caso de servizos prestados por conta allea, achegando os seguintes documentos:
* Contrato de traballo ou certificación da empresa correspondente ao período que se alega.
* Certificado de cotizacións á Seguridade Social.
– No caso de servizos prestados por conta propia, achegando os seguintes documentos:
* Xustificante de pagamento do imposto de actividades económicas de cada un dos anos en que se estivera en situación de alto no mencionado imposto.
* Certificado de cotizacións á Seguridade Social, onde consten período e grupo de cotización, salvo aqueles colectivos profesionais que estean exentos desta cotización, o que deberá acreditarse de forma fidedigna.
– A experiencia profesional en praza ou posto relacionado coa mocidade e co emprego no ámbito da Administración Pública xustificarase:
* Achegando a documentación indicada nos parágrafos precedentes.
* Presentando certificación expedida pola Secretaría ou calquera outro órgano da Administración con competencias en materia de persoal, onde constarán os seguintes datos:
– Nos tres apartados do punto 1 do baremo, para acreditar que se ocupa ou se ocupou praza ou posto relacionado coa mocidade e co emprego, cando non coincidan a denominación dos que se ocuparan co da praza á que se opta, o interesado haberá de achegar certificado no que consten as funcións desenvolvidas.
Para acreditar os méritos sinalados no punto A.3 do baremo haberá de achegarse fotocopia compulsada dos documentos oficiais que os acrediten.
3. Entrevista Curricular. O obxecto da entrevista curricular fundamentase na necesidade de definición do perfil do aspirante co requerido para o posto de que se trate e consistirá en preguntas relacionadas coas funcións do posto ofertado. A valoración da entrevista é de 0 a 3 puntos.
C) Aplicación do concurso.
Os puntos obtidos na entrevista curricular sumaranse aos obtidos despois de aplicar o baremo establecido nas bases referidas.
D) Criterio para dirimir empates.
De se produciren empates na puntuación, a orde de desempate sera a seguinte:
1.- A solicitante de sexo feminino con preferencia sobre o masculino, cando na categoria ou escala se dean as condicións de infrarepresentación establecidas no artigo 37 da Lei 7/2004, de 16 de xullo, galega para igualdade de mulleres e homes.
2.- Parados de longa duración con cargas familiares.
3.- Persoas con discapacidade.
4.- Solicitantes desempregados maiores de 45 anos.
5.- Solicitante de maior idade.
Concluídas as probas , elevarase ao órgano competente proposta de candidatos para a formalización dos contratos, precisándose que o número de propostos non poderá superar o número de contratacións ofertadas. A proposta do tribunal farase pública medianta a publicación da acta no taboleiro de anuncios do concello.
V. PRESENTACIÓN DE DOCUMENTOS.
1. Ademais das condicións indicadas na base II desta convocatoria, previamente á formalización do correspondente nomeamento, o aspirante proposto polo Tribunal haberá de achegar:
a). Declaración xurada de non ter emprego retributivo con cargo a calquera organismo publico, incluída a Seguridade Social, o día da toma de posesión, estándose ao disposto na Lei 53/84, do 26 de decembro de Incompatibilidades do Persoal ao Servizo das Administracións Públicas e, en especial, ao seu artigo 10; E disposicións ditadas no seu desenvolvemento.
b). Declaración xurada de non exercer actividades privadas incompatibles co posto de traballo que se vai desempeñar no Concello e/ou solicitude de compatibilidade para o exercicio de actividades privadas que se desenvolvan á marxe do Concello.
c). Declaración xurada de non estar incurso en causa de incapacidade das contidos no art. 36 do Regulamento de Funcionarios de Administración Local do 30 de maio de 1952.
d). Declaración xurada de non ser separado mediante expediente disciplinario do servizo de ningunha Administración Pública, nin se achar inhabilitado para o exercicio das funcións públicas.
e). O prazo para a presentación de documentos será de 3 días naturais, contados dende o día seguinte a aquel en que se faga pública a proposta de nomeamento do persoal laboral fixo por parte do Tribunal.
2. O Sr. Alcalde-Presidente do Concello de Ribadavia, mediante Resolución que se publicará na forma e lugar establecidos nestas Bases, nomeará ao aspirante seleccionado.
VI PRESENTACIÓN DE SOLICITUDES.
As solicitudes, requirindo tomar parte nas correspondentes probas de acceso nas que os aspirantes farán constar que reúnen as condicións esixidas nas presentes bases para a praza que se opte, dirixiranse ao Sr. Alcalde-Presidente do Concello poderán presentarse no Rexistro Xeral de Documentos deste Concello ou nalgún dos lugares previstos no artigo 16.4 da Lei 39/2015, de 1 de outubro, do Procedemento Administrativo Común das Administracións Públicas, no prazo de cinco días hábiles contados a partir do día seguinte ao da publicación do anuncio da convocatoria no Taboleiro de anuncios do concello e na páxina web.
VII BASE FINAL.
1. As presentes bases e cantos actos administrativos se deriven delas desta convocatoria e da actuación do Tribunal, poderán ser impugnadas polos interesados directamente ante o órgano da xurisdición do Contencioso-administrativo competente, conforme á Lei 29/1998, do 13 de xullo, reguladora da Xurisdición Contenciosa-Administrativa, no prazo de dous meses, contados dende a data do día seguinte de ultíma publicación destas. Así mesmo, poderá presentarse o recurso potestativo de reposición ante o Sr. Alcalde-Presidente, no prazo dun mes a contar dende a mencionada publicación, ou calquera outro recurso que considere procedente, conforme establece a Lei 39/2015 de procedemento administrativo común das administracións públicas.
2. No non previsto nas bases anteriores rexerá polo Texto Refundido do Estatuto Básico do Empregado Público, Lei 7/85, do 2 de abril, Reguladora das Bases do Réxime Local, Real Decreto 781/1986, do 18 de abril, polo que se aproba o Texto Refundido das disposicións legais vixentes en materia de Réxime Local, así cono o RD 896/91, de 7 de xuño, polo que se establecen as regras básicas e os programas mínimos a que debe axustarse o procedemento de selección dos funcionarios de Administración Local.
E para que conste aos efectos oportunos expido a presente en Ribadavia a 29 de xullo de 2019 de orde e co visto e prace do Sr Alcalde- presidente.
Vº prace
ALCALDE
D César Manuel Fernández Gil
