Concello de Ribadavia Concello de Ribadavia 
OBXECTO
Estas bases teñen como finalidade o establecemento do sistema, procedemento e baremos das probas que se aplicarán na selección de persoal laboral para a creación dunha Bolsa de emprego para realizar contratacións laborais temporais de persoal para os anos 2026 e 2027 na categoría profesional de Peón do Grupo de Emerxencias Supramunicipal (GES) , para dar continuidade á prestación dos servizos ao abeiro da adhesión ao Convenio de Colaboración subscrito entre a Xunta de Galicia, a Federación Galega de Municipios e Provincias e as Deputacións Provinciais da Coruña, Lugo, Ourense e Pontevedra, en materia de emerxencias e prevención e defensa contra incendios forestais, para o desenvolvemento dos grupos de emerxencia supramunicipais (GES).
